Sentsibilizazioa
Gipuzkoako Mendizale Federazioko Ingurumen Batzordetik argi eta garbi daukagu mendizaleok ingurumenaren babesean daukan garrantzia. Gure ibilaldietan ikusitako paisaiek, ikutu eta usaindutako lorek eta edandako ur freskoek,naturarekiko harreman hurbil eta zuzena edukitzen laguntzan digute.
Gaur egun Gipuzkoan 14.000 mendi federatu baino gehiago gaude eta horrek indar berezia ematen digu gizarte mailan dauden arazo desberdinen aurrean iritzia ematerakoan. Mendizale guzti hauek hainbat ingurumen arazorekin topo egiten dute eta arazo horiei aurre egiten laguntzea da gure xedeetako bat.
Hondakinak mendietan, higadura arazoak dituzten bidezidorrak, motorrak edo quad-ak, etab. dira gaur egun Gipuzkoako mendietan aurki ditzakegun arazoetako batzuk. Arazo hauek konpontzeko bidean, denon partehartzea ezinbestekotzat ikusten dugu bai administrazio, erakunde pribatu eta mendizaleona ere. Horregaitik eragile desberdinen arteko elkarlana bultzatu nahi dugu.
