ESKOLA MENDIZALETASUNA
Gipuzkoako Foru Aldundiko Kirol Zuzendaritzak urtero sustatzen duen Eskola Kiroleko kanpainaren barruan, programa hau berriro aurkezten du Gipuzkoako Mendizale Federazioak.
Oraingo honetan berrikuntza nabarmena sartu dugu, gure programako bi jarduera ikusmen urritasuna duten eskola-umeei egokitu dizkiegulako. Hain zuzen ere bi hauek dira: Gipuzkoako Bidezidorrak eta Eskaladarako Hastapena. Gure ustez oso ekimen interesgarria da, beren kirol eta aisialdiko esperientzien eremua zabaltzeko aukera ematen dielako arazo hau duten neska-mutilei.
